"Tiñ, möstäqıyl’ ike däwlätle çişeleş yaqlı bez"

Törkiyä ilbaşı Räcäp Tayyip Ärdoğan Tön’yaq Kipr Törek Cömhüriyätenä kitkänçe matbuğat oçraşuı oyıştırdı.

İlbaşı Kipr törekläreneñ utrawda yartı ğasırdan artıq tiñlek häm ğadellek öçen köräşüen äytep: “Säfärebezdä xörmätle däwlät başlığı Êrsin Tatar belän küreşep, milli däğwabız häm Könçığış Urta diñgezdäge täraqqıyät’lärne söyläşäçäkbez,” – dide.

“Kiprda ğadel häm däwamı bulğan kiläçäk teläwçe barlıq taraflarğa bu tarixi forsattan faydalanırğa çaqıram. Kipr törek tarafı bar dön’yaüa kemneñ tınıçlıq, ä kemneñ çişeleşsezlek yaqlı buluın tağın ber tapqır kürsätte. Törkiyä häm törek xalqı bügen dä, irtägä dä Kipr törekläre yanında bulaçaq. Kiprda monnan soñ yaña söyläşü barışı bulsa da, bu barı tik ike tiñ häm möstäqıyl’ däwlät arasında bula ala,” – dide ilbaşı.