Ӓrdoğan 23 nçe aprel’ – milli möstӓqil’lek hӓm balalar bӓyrӓme uňayınnan yullama yasadı
Ärdoğan:" Törkiyӓ Cömhüriyӓtenӓ nigez saluçı Mostafa Kӓmal dönya balalarına bülӓk itkӓn bu kön il, xalıq hӓm balalar öçen xӓyerle bulsın"
Törkiyӓ ilbaşı Rӓcӓp Tayyip Ӓrdoğan 23 nçe aprel’ – Milli möstӓqil’lek hӓm balalar bӓyrӓme uňayınnan yullama yasadı.
Ul üz yullamasında Törkiyӓ Böyek Millӓt Mӓclese açılışınıň 101 yıllığı hӓm 23 nçe aprel’ milli möstӓqil’lek hӓm balalar bӓyrӓme belӓn qotladı , Törkiyӓ Cömhüriyӓtenӓ nigez saluçı Mostafa Kӓmal dönya balalarına bülӓk itkӓn bu könneň il, xalıq hӓm balalar öçen xӓyerle buluın telӓde.
Parlamentnıň 1920 nçe yılnıň 23 nçe aprelennӓn birle şaqtıy bӓla - qaza kürüen, qıyınlıqlar kiçerüen ,Azatlıq suğışında ireşkӓn ğazıylıq dӓrӓcӓsen 15 nçe iyül’dӓge tüntӓreleş kereşüendӓ ikençe tapqır aluın assızıqladı.
”Tüntӓreleş, xunta, terror höcümnӓrenӓ duçar bulğan , 2016 nçı yılnıň 15 nçe iyülendӓ “Fӓtullaxçı terror oyışması” tarafınnan bombağa totılğan parlamentıbız milli iradӓneň çağılışı bularaq barlığın dӓwam itterӓçӓk. Törkiyӓ Böyek Millӓt Mӓclese qanatı astında böyek Törkiyӓ idealı belӓn berlӓşkӓn ğaziz millӓtebez öçen tağın da köçle Törkiyӓ tözü , kilӓçӓk buınnarğa ğorurlanırlıq il qaldıru öçen bar köçebezgӓ tırışabız”,- dide ilbaşı.
"Ardoğan: “Baş komandir,Törkiyӓ Böyek Millӓt Mӓcleseneň berençe başlığı , Cömhüriyӓtebezneň qoruçısı ğazıy Mostafa Kӓmal belӓn barlıq şӓhitlӓrebez hӓm ğazıylarıbıznı xörmӓt belӓn iskӓ alam “,-dide.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte
