Parkinson awıruları artaçaq

Törkiyä Mediśina fännäre universitetı neyrologı, dośent Rıza Sonkaya: “Parkinson ir-atlarda, xatın-qızlarğa qarağanda, 1 yarım-2 tapqır yışraq oçrıy häm, ğadättä, 60 yäş’ tiräsendä başlana,”-dide.

Belgeç dön’yada yaqınça 10 million, Törkiyädä isä 150 meñ tiräse Parkinson awıruı buluı farazlanuın äytä. Anıñ söyläwençä, bu kürsätkeç xalıq sanı artuğa paral’lel’ bularaq aldağı yıllarda tapqırlanıp artaçaq.  

Sonkaya Bötendön’ya Parkinson köne uñayınnan belderü yasadı. Ul xronik häm tarala baruçı bu çirneñ baş miyendäge dofamin azlığınnan kilep çığuın da citkerde.  

Parkinson – Al’śgeymerdan soñ iñ yış oçrawçı neyrodegenerativ (baş miye küzänäkläre yuqqa çığu belän bäyle) xastalıq.

“Parkinson 5-10% külämendä yäş’lärdä kürelä. Ämma 60 yäş’tän soñ qartayğan sayın kilep çığuı yışraq oçrıy,”-di Rıza Sonkaya.