Ärdoğan: “Su – iq’tisadi üseş öçen dä alıştırğısız êlementlardan berse”

İlbaşı Ärdoğan Bäştäpä Millät kongress häm mädäniyät üzägendä "1nçe Su Şurası häm 363 qorılmanıñ kümäk açılış märasime”ndä çığış yasadı.

İlbaşı Ärdoğan çığışında Däwlät su êşläre idaräse tarafınnan tözelüe tämamlanğan 363 qorılmanıñ açıluı belän iq’tisadqa 427 million lirağa yaqın öleş kertelüen belderde.

Sunıñ böten can iyäläre kebek keşelek öçen dä waz kiçelmäs buluın iskärtep uzuçı Ärdoğan: “barı tik tormışıbız öçen genä tügel, iq’tisadi qalqınu häm üseş öçen dä su alıştırğısız êlementlardan berse. Bu ixtıyacnı daimi qanäğätländerä alu öçen israfnı buldırmaw bik möhim”, - dip äytte.

2025nçe yılğa qadär dönyada su kıtlığı arqasında 700 millionnan kübräk keşeneñ immigraśiya riskı astında bula alacağına basım yasawçı Ärdoğan xalıq sanı belän bergä artqan azıq-tölek häm ênergiya soraw-taläbe belän klimat üzgäreşläreneñ kiläçäktä tağın da cimergeç yoğıntıları bulacağına iğ’tibarnı yünältte.

İlgä soñğı 19 yılda 600ı böyä belän bergä 8697 yaña qorılma qazandırularına basım yasawçı Ärdoğan (Cömhüriyätneñ iğ’lan itelüeneñ 100 yıllığı bulğan) 2023nçe yılğa qadär tämamlanğan cirastı böyä sanın 157gä citkeräçäklären äytte.

Ärdoğan parlamentta su qanunı êşçänlegen alıp baruların äytep uzdı.