Köymä Gentil portına tuqtadı
Bu xaqta Törkiyäneñ Transport häm asqorıma ministrı belderde
Gvineya qultığında yulbasarlar höcüm itkän Liberiya bayraqlı törek köymäse Gabonnıñ Gentil portına tuqtadı.
Törkiyäneñ Transport häm asqorıma ministrı Adil Karaismailoğlu Twitter akkauntında yasağan açıqlawında “Mozart” isemle konteyner köymäseneñ Gvineya qultığında yulbasarlar höcümenä duçar qaluın xäterlätep: “Köymäbez Gabonnıñ Gentil portına kilep tuqtadı,” – dide.
“Azärbaycanlı diñgezçegä Allaxı Täğalädän yarlıqaw sorıym, 15 diñgezçebezneñ isän-imin Törkiyägä qaytuı öçen barlıq mömkinleklärebez mobilizaŝiyalände,” – dide.
Mäwlt Çavuşoğlu da: “Köymä Törkiyäneke tügel. Çit il bayraqlı, xucası da çit ildän. Läkin êkipajdağı 19 personal törek, berse azärbaycan. Qızğanıç, Azärbaycan watandaşı bulğan qardäşebez wafat buldı. Mäyetne Azärbaycanğa Törkiyä aşa cibärü öçen ike ilneñ tışqı êşlär ministrlıklar, konsullık berämlekläre êşkä kereşte,” – dide.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte