Qazaqstandağı su basularda küpme keşe ülde?

Qazaqstandağı su basularda 5 keşe ülde, yuğalğan 2 keşene êzläw êşläre däwam itä.

İldä däwam itüçe su basu afätläre arqasında Atrau töbägendä 4 keşe batıp ülgän, Törkistan töbägendä dä ber bala su ağımı alıp kitep ülgän.

Abay vilayätendä isä 2 keşene êzlilär.

Qazaqstanda yazğı taşqınnar arqasında 8 töbäktäge 38 toraq punktta ğadättän tış xäl däwam itä.

Afätlärdä 117 meñ 694 keşe qotqarıldı, bu keşelärneñ 18 meñ 651e öylärenä qayttı. Êvakuaśiyalängän 6887 keşe waqıtlıça sıyınu urınnarında yäşi.

Şulay uq 113 meñ 852 terlek imin urınnarğa küçerelde.

Akmola, Aktäübä, Atrau, Kostanay häm Tön’yaq Qazaqstan vilayät’lärendä 5718 öy su astında qaldı.

İldä su basular belän köräş êşläre öçen 44 meñ 156 personal mobilizaśiyalände.