Röstäm Miñnexanov Tatarstan Respublikası Konstituśiyäse köne belän qotladı

Tatarstan Cömhüriyäte Konstituŝiyäse – Tatarstannıň töp qanunı.

 Ul 1992 nçe yılnıň 6 nçı noyabrendä qabul itelä.

Xäzergä qadär Kostituśiyägä şaqtıy tözätmälär kertelä.

Bıyıl Konstituśiya qabul itelügä 31 yıl tuldı.

Tatarstan Räise Röstäm Miñnexanov Tatarstan Respublikası Konstituśiyäse köne uñayınnan möräcäğat’ itte.

“Qaderle watandaşlar! Sezne Tatarstan Respublikası Konśtituśiyäse köne belän täbrik itäm.  Üzgäreşlär çorında qabul itelgän Konstituśiya respublikanıñ küpmillätle xalqı ixtıyarı, anıñ totrıqlılıqnı saqlawğa häm sośial’-iq’tisadi üseşne nığıtuğa omtıluınıñ açıq gäwdäläneşe buldı.

Töp Qanun bezne berläşterde, törle xalıqlar telläreneñ häm mädäniyätläreneñ üseşenä, ruxi yañarışqa êtärgeç birde.

Urtaq tırışlıq belän bez millätlär häm dinnär arasında tatulıqnı tağın da nığıtuğa ireştek, ğadel tigezlekne saqlap, izge urınnarnı, arxitektura istäleklären häm tarixi yädkärlärne torğızdıq.  

Xörmätle watandaşlar! Sezne Tatarstan Respublikasınıñ däwlät bäyräme uñayınnan qotlıym, sawlıq-sälamätlek, kiläçäkkä yaqtı ömetlär,xezmät qzanışları, iminlek telim”,- diyelä Tatarstan Räise qotlawında.