Ärmänstan belän Azärbaycan Qazaqstanda oçraşa

Azärbaycan tışqı êşlär ministrı Cäyxun Bayramov belän Ärmänstan tışqı êşlär ministrı Ararat Mirzoyan, illäre arasındağı solıx kileşüe söyläşüläre qısalarında, 10nçı mayda Qazaqstannıñ Almata şähärendä oçraşaçaq.

Qazaqstan ilbaşı Qasıym-Comart Toqayev 1nçe mayda älege küreşü uñayınnan belderü yasap, söyläşülärne üz ilendä uzdıru mäs’äläsendä yaqlarnıñ kileşüen qanäğat’lek belän qabul itüen äytkän ide.

Toqayev Ärmänstan başqalası Yerivanğa 15nçe aprel’dä säfär yasadı. Anda ul Ärmänstan belän Azärbaycan arasında solıx kileşüe tözelüen yaqlawların häm älege mäs’älädä yaxşı niyät missiyäsen başqarırğa äzer buluların citkerde.