Guba Törki däwlätlär oyışmasınıñ awıl xucalığı başqalası dip iğ’lan itelde
Azärbaycan başqalası Baqıda oyıştırılğan Törki däwlätlär oyışmasınıñ awıl xucalığınnan cawaplı 2nçe ministrlar cıyılışında ilneñ Guba şähäre "Törki däwlätlär oyışması awıl xucalığı başqalası” bulıp iğ’lan itelde
Azärbaycan awıl xucalığı ministrı Mäcnun Mämmädovnıñ qabul itüendä oyıştırılğan cıyılışta Törki däwlätlär oyışması ğomum särqatibe, tulı wäqalätle ilçe Kubanıçbäk Ömüraliyıv, Törkiyä awıl häm urman xucalığı ministrı İbrahim Yumaklı, Üzbäkstan awıl xucalığı ministrı Aziz Voitov, Tön’yaq Kipr Törek Cömhüriyäte awıl xucalığı häm tabiğıy çığanaqlar ministrı Xösäyın Çavuş, Qırğızstan awıl xucalığı ministrınıñ berençe urınbasarı Murat Ramatov häm Qazaqstan awıl xucalığı ministrı urınbasarı Abilxaiyr Tamabäk qatnaştı.
Cıyılıştan soñ beldergegä qul quyğan ministrlar matbuğatqa belderü yasadı.
Azärbaycan awıl xucalığı ministrı Mämmädov:
"Azärbaycan tarafı bularaq törki däwlätlärneñ berdäm sanlı awıl xucalığı mäğ’lümat platformasınıñ buldırıluı, awıl xucalığı häm azıq-tölek êşlänmäläreneñ Törki däwlätlär oyışması brendı astında urtaq citeşterü kebek fikerlärebezne häm täq’dimnärebezne äğ’za illärgä citkerdek häm şuşı yünäleştä êşçänlek başqarıluı mäs’äläsendä kileştek.
Törki däwlätlär oyışması illärendä awıl xucalığı başqalası çarasın da täq’dim ittek. Rotaśiya (ротация) belän här yıl ber şähär Törki däwlätlär oyışmasınıñ awıl xucalığı başqalası dip iğ’lan iteläçäk. Bu cıyılışta Azärbaycannıñ Guba şähären Törki däwlätlär oyışması awıl xucalığı başqalası itep iğ’lan ittek”, - dip belderde.
Törkiyä ministrı Yumaklı da matbuğat oçraşuında yasağan belderüendä däwam (дәвам) itüçän awıl xucalığı, üz-üzeñne qänäğätländerü (канәгатьләндерү) häm azıq-tölek qurqınıçsızlığınıñ täêmin itelüeneñ maqsat itelüe mäs’älälären söyläşülären äytte.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte