Bäyrämov Ärmänstannıñ konstruktiv totışınıñ bulmawın belderde

Cäyhun Bäyrämov Xorvatiya räsmi säfäre qısalarında Xorvatiya tışqı häm Awrupa êşläre ministrı Gordan Grliç Radman belän başqala Zagrebta oçraştı.

Ministrlar oçraşudan soñ belderülär yasadı.

Radman, Ukrainanıñ cir bötenlegenä häm bäysezlegenä tuğrılıqların citkerep: "Awrupa Berlegeneñ Azärbaycan belän Ärmänstan arasındağı mönäsäbätlärneñ cayğa salınuına öleş kertü maqsatınnan çığıp iñ yuğarı däräcädä tırışlıq kürsätüenä iğ’tibarnı yünälttem. İke il arasındağı açıq problemalarnı xäl itü öçen härwaqıt tınıç yulnı köçle itep yaqladıq”, - dip äytte.

Bäyrämov, Ärmänstan belän aralarındağı wazğıyätneñ yaxşırtıluına öleş kertüe öçen Xorvatiyağa räxmät äytep: "Qızğanıç, minem töp süzem Ärmänstannıñ äle haman yaxşı niyät kürsätmäwe häm konstruktiv totış almawı. Monıñ urınına ärmän tarafı totqarlıq häm butalçıq uyının uynıy", - dip bäyäläw yasadı.

Ärmän yağınıñ Tawlı Qarabax cirlärendä yış-yış qorallı provokaśiyälär (провокацияләр) yasawın belderüçe Bäyrämov Azärbaycan cirlärendä yäşäwçe ärmännärneñ xoquqlarınıñ häm iregeneñ Azärbaycan töp qanunı (Конституциясе) häm xalıqara mexanizmnarı tarafınnan ışanıç astına alınuın äytte.

Bäyrämov bu adımnarnıñ xalıqara xoquqqa xörmät kürsätü nigezendä başqarıluınıñ Kön’yaq Qavqazda tınıçlıq häm totrıqlılıq täêmin itäçägen iskärtep uzdı.​