Äfğanstan kürşeläre Üzbäkstanda cıyıldı
Üzbäkstan, İran, Qıtay, Paqıstan, Tacikstan, Törekmänstan häm Rusiyä Äfğanstan iq’tisadın üsterügä qağılışlı urtaq mexanizmnıñ buldırıluı mäs’äläsendä kileşte
Üzbäkstannıñ Sämärqand şähärendä Äfğanstanğa kürşe illär Üzbäkstan, İran, Qıtay, Paqıstan, Tacikstan, Törekmänstan häm Rusiyä tışqı êşlär ministrlarınıñ 4nçe cıyılışı ütkärelde.
Üzbäkstan tışqı êşlär ministrı wäkile Bahtiyar Saidovnıñ qabul itelüendä oyıştırılğan cıyılışta Qıtay tışqı êşlär ministrı Çin Gang, Rusiyä tışqı êşlär ministrı Sergey Lavrov, İran tışqı êşlär ministrı Xösäyın Ämir Abdullahiyan, Tacikstan tışqı êşlär ministrı Siraciddin Muhriddin, Paqıstan tışqı êşlärdän cawaplı däwlät ministrı Hina Rabbani Khar häm Törekmänstan tışqı êşlär ministrı urınbasarı Vepa Xaciyıv qatnaştı.
Üzbäkstan tışqı êşlär ministrlığınıñ cıyılış näticäläre belän bäyle bularaq yasağan yazmaça belderüenä kürä, ministrlar Äfğanstan iq’tisadın üsterügä qağılışlı urtaq mexanizmnıñ buldırıluı mäs’äläsendä kileşte.
Äfğanstanda xalıqara terrorçılıqqa, narkotiklar citeşterügä häm kontrabandasına qarşı köräş mäs’älälären tafsille itep qarap çıqqan ministrlar Äfğanstandağı xäzerge wazğıyätne, ildä kiñ qolaçlı xökümätneñ tözelüe, äfğan xatın-qızlarınıñ êşläw häm belem alu mömkinlekläre belän azçılıqlarnıñ milli xoquqların saqlaw kebek dönya cämäğätçelegeneñ taläplären yaña xökümätneñ ütäwenä qağılışlı mäs’älälärne centekläp küzdän kiçerde.
Ministrlar Äfğanstan potenśialınıñ tulısınça qullanıluınıñ Urta häm Kön’yaq Aziya arasındağı töbäklärara mönäsäbätlärneñ tağın da kübräk üsüeneñ töp faktorı buluın iskärtep uzdı.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte