Azärbaycannan watandaşlarına İran kisätüe

Tışqı êşlär ministrlığınnan yasalğan belderüdä, Azärbaycannıñ Tähran ilçelegenä oyıştırılğan terror höcüme xäterlätelep, Azärbaycan watandaşlarınıñ mäcbür bulmağan oçraqta İranğa säfär yasamasqa, baruçılarnıñ isä bik iğ’tibarlı bulırğa kiñäş itelde.

İranda bulğan Azärbaycan watandaşlarına iminlek qağıydälären ütärgä kiñäş itelgän belderüdä watandaşlarnıñ ixtıyac oçrağında Täbriz Baş konsullığı belän êlemtägä kerä aluı citkerelde.

Azärbaycannıñ Tähran ilçelegenä 27nçe ğıynwarda oyıştırılğan qorallı höcümdä ilçelekneñ iminlek citäkçese häläq bulğan häm ike iminlek xezmätkäre yaralanğan ide.

Azärbaycan İlbaşı İlham Äliyıv höcümne terror ğamäle bularaq bäyälägän ide.

Höcümnän soñ Azärbaycannıñ Tähran ilçelegeneñ êşçänlege tuñdırılğan, böten personal belän ğailäläre başqala Baqığa qaytqan ide.