Törki däwlätlär oyışması Azärbaycannıñ qayğısın urtaqlaştı

Törki däwlätlär oyışmasınnan yasalğan yazmaça belderügä kürä, Ğomum särkätip Bağdad Amreyıv Azärbaycan belän Ärmänstan arasındağı çik buyında “Ärmän qorallı köçläreneñ xärbi provokaśiyälärennän borçuluın” häm monı gäyıpläwen belderde.

Amreyıv Kön’yaq Qavqazda daimi tınıçlıq häm totrıqlılıq öçen Azärbaycan belän Ärmänstan arasındağı cayğa salu häm tınıçlıq barışınıñ möhimlegenä tuqtalıp uzdı.

Azärbaycannıñ xalıqara qabul itelgän çikläreneñ cir bötenlegen häm qağılmaslığın yaqlawın raslawçı Amreyıv Ärmänstannı ike kürşe il arasında ireşelgän xäzerge kileşülärne ütärgä çaqırdı. Amreyıv: “Sekretariat can yuğaltuı arqasında şähitlärneñ ğailäläreneñ, qardäş Azärbaycan xalqı häm xökümäteneñ qayğısın urtaqlaşa, yaralanuçılarğa aşığıç şifalar teli”, - dip belderde.

Azärbaycan saqlanu ministrlığı Ärmänstannıñ çik buyında monnan aldağı tönne häm kiçä irtä belän däwam itkän provokaśiyäläre näticäsendä 50 ğaskärineñ şähit buluın beldergän ide.