Urta diñgezdä cir teträde
6,4 ball zurlığındağı teträwne Törkiyä xis itte
1760367
Urta diñgezdä Kipr utrawı sulıqlarında 6,4 ball zurlığında cir teträw buldı. Afät häm ğadättän tış xällär idaräseneñ internet säxifäsendäge mäğ’lümatlarğa qarağanda, zilzilä Törkiyä waqıtı belän säğat’ 4 tulıp 7 minutta terkälä. Ul diñgez öslegennän 5,06 çaqrım tiränlektä bula. Cir teträwneñ märkäze Törkiyäneñ Märsin töbäge Anamur rayonına yaqınça 134 kilometr yıraqlıqta.
Sośial’ mediada zilziläneñ Küpr utrawınnan tış, Antaliya, Märsin, Xatay, Adana, Isparta, Burdur häm Kon’yada da xis itelüe äytelä.
Tön’yaq Kipr törek cömhüriyäte ilbaşı Ärsin Tatar Urta diñgezdäge cir teträwdän bernindi zarar terkälmäwen belderde.
