“Tınıçlıq saqlaw köçläre 2 könnän soñ äkrenläp Qazaqstannan kitäçäk”
Bu xaqta Qazaqstan ilbaşı Kasım Cömärt Tokayev belderde
Qazaqstan ilbaşı Kasım Cömärt Tokayev parlamentta yasağan çığışında ildäge wazğıyät’kä bäyä birde.
Ul Qazaqstanğa qarata terror suğışı başlanğanın belderep, terrorçılarğa qarşı operaśiyäneñ iñ qatlawlı öleşeneñ uzuın häm ildäge wazğıyät’nen totrıqlı buluın äytte.
Tokayev ildäge waqıyğalar arqasında Qazaqstan da äğ’zası bulğan Kollektiv iminlek kileşüe oyışmasınnan xärbi yärdäm sorawların xäterlätep,” Qazaqstan zakonlı räweştä oyışma partnyerlarınnan tınıçlıq saqlawçılar cibärüne soradı. Bu qarar qabul itelgän waqıtta bez Almatıdağı kontrolebezne bötenläy yuğaltu aldında idek. Ägär bez Almatını yuğaltsaq, başqalabıznı, annarı böten ilne yuğaltır idek” dide.
Tokayev äytüençä, Kollektiv iminlek kileşüe oyışması tınıçlıq saqlaw köçläreneñ missiyäse uñışlı tämamlanğan.
“Kollektiv iminlek kileşüe oyışması tınıçlıq saqlaw köçläre 2 könnän soñ äkrenläp Qazaqstannan kitä başlayaçaq, ildän çığu iñ kübe 10 kön bulaçaq” dide Tokayev.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
