Qırğızstanda yaña saylanğan xalıq ışanıçlıları
Qırğızstanda 28nçe noyabr’dä ütkärelgän ğomum saylawdan soñ 7nçe çor parlamentı öçen xalıq ışanıçlıları ant itü tantanasında cıyıldı
“Intımak” partiyası deputatı Şarapatkan Majitova iñ olı yäş’täge xalıq ışanıçlısı sıyfatı belän waqıtlıça parlamentnıñ räise buldı.
Majitova yaña saylanğan xalıq ışanıçlılarına xalıq häm il faydasına xäyerle êşçänlek teläde.
Gimn belän başlanğan tantanada Üzäk saylaw komissiyası başlığı Nurjan Şayıldabäkova deputatlarğa mandatların tapşırdı.
Mandatın alğan xalıq ışanıçlıları mömbärdän qulın töp qanunğa quyıp ant itte.
Parlamentta “Ata Yurt Qırğızstan” 15, “İşänim” (Işanıç) 12, “Intımak” (Berlek) 9, “Al’yans” 7, “Böten Qırğızstan” 6 häm “İman Nurı” 5 deputat belän wäkillek itelä.
Bu räweşle 90 keşelek parlamentta 54 urınğa säyäsi partiyälelär, 36 känäfigä bäysez namzätlär utırdı.
Ayıruça kiläse yıl başında Bişkäkneñ ike rayonında bäysez kandidatlar yarışaçaq saylawnıñ qabat ütkärelüenä qarar qılınğan ide.
