Qırğızstanda yaña kabinet ışanıç tawışın aldı

Qırğızstan İlbaşı Sadır Caparov ta Däwlät başlığı idaräse räislegen dä başqaraçaq yaña ministrlar Şurası başlığı (Baş ministr) Aqılbäk Caparov belän kabinet äğ’zalären rasladı.

10nçı ğinwar’da İlbaşı bulıp saylanğan Sadır Caparov kabinetına xalıqnıñ mullığın kütäräçäk, wäğ’dälären üti alaçaq häm iq’tisadnı cayğa salaçaq isemnärne kertte. Qorılışı häm ministrlıq isemnäre dä üzgärtelgän yaña kabinetta tışqı êşlär ministrınıñ wäqalätläre kiñäytelde.

Milli iminlek däwlät komitetı başlığına da kabinetta Ministrlar Şurası räise urınbasarı bularaq iminlek mäs’älälärendä wäqalät birelde.

İlbaşı Caparov, parlamentqa möräcäğätendä xalıq ışanıçlılarına kabinetqa ışanıç tawışın birgännäre öçen räxmäten äytep: "Aprel’ ayında referendumda qabul itelgän töp qanunıbıznı (Konstituśiyäbezne) tulısınça tormışqa aşırunıñ yulın açtığız”, - dip belderde.

Qırğızstanda qabul itelgän konstituśion üzgäreşlär näticäsendä tözelgän Ministrlar Şurası räise wazıyfasındağı 57 yäşendäge Aqılbäk Caparov ileneñ 30 yıllıq bäysezlek tarixında 34nçe prem’yer-ministr buldı.