Tatarstanda oçqıç faciğase

Tatarstanda oçqıç faciğase barlıqqa kilde.

Minzälä şähäre yanında paraşyutçılar utırğan L-410 oçqıçı kilep töşte.

Faciğada 16 keşeneñ ğomere özelde.

Rusiyä matbuğatı Rusiyäneñ Ğadättän tış xällär ministrlığı räsmi zatlarına tayandırğan xäbärlärgä kürä Minzälä yanındağı aêroporttan irtänge sägät’lärdä 22 keşe utırğan oçqıç kütärelep kitkännän soñ kilep töşte.

Oçqıçtağılarnıñ kübese paraşyutçı bula.

Berençe mäğlümatlarğa kürä 16 keşe yaqtı dön’yadan kitte, 6 keşe yaralandı.

Oçqıçnıñ Rusiyädäge Armiya belän hawa häm diñgez köçlärenä üzixtıyari yärdäm cämğıyätenä bäyle buluı belderelä.

Waqıyğa belän bäyle tikşerü başlatıldı.

Tatarstan däwlät başlığı Röstäm Miñnexanov waqığa urınına kilde häm faciğanıñ oçqıç motorındağı citeşsezlek arqasına barlıqqa kilüen açıqladı.

“Oçqıç kütärelgännän soñ 70 metr biyeklektä pilotlar sul motorda citeşsezlek çığuın belderä häm aşığıç räweştä utırırğa röxsät sorıy,” – dide ul.

Tatarstan ilbaşı ildä 11 nçe oktäbr’ könne matämneñ iğlan itelüen açıqladı.