Wazıyfabız Ay: Xäzergä qadär qaysı illär kitte, yaqın kiläçäktä nilär bulaçaq?
Tormışnıñ qızıqlı yaqları - 53/2023
Tormışnıñ qızıqlı yaqları - 53/2023
Xäzergä qadär qaysı illär Ayğa kitte häm yaqın kiläçäktä nilär bulaçaq?
Ay – bezneñ iñ yaqın kük kürşebez bulğanlıqtan dönyada berniçä ilneñ başqarğan küp ğaläm wazıyfasınıñ töp maqsatına äylände.
Monnan arı keşelek dönyasınıñ aldıbızdağı 10 yıl êçendä Ayda koloniya tözi başlayaçaq yaña çornıñ başlanğıçına yaqınlaşabız.
Bu illärneñ cirlektäge çığanaqları, texnologiyäläre häm täcribäläre belän urtaqlaşa alaçaq yaqın xalıqara xezmättäşlekne zarur qıla.
Bügengä qadär 11 il häm oyışma Ayğa ğaläm qorabın uñışlı itep cibärä aldı.
Bu illär: Sovetlar Berlege, Amerika Quşma Ştatları, Yaponiya, Qıtay, Hindstan, İzrail, İtaliya, Lyuksemburg, Kön’yaq Koreya, Berläşkän Ğaräp Ämirlekläre häm Awrupa ğaläm agentlığı tarafınnan wäkillek itelgän Awrupa Berlege.
Fäqät bu töşülärneñ barısı da Ay öslegenä apparat töşertü yäki turıdan-turı ayaq basu mäğ’näsenä turı kilmi.
Ayğa töşülär apparatnıñ töşü tizlegenä (häm ayğa töşkännän soñ êşlärgä kiräkme, yuqmı ikänlegenä) bäyle bularaq qatı töşülär yäki yomşaq töşülär bularaq klassifikaśiyälänä (классификацияләнә).
Yomşaq töşülär – qorab imin räweştä häm äkren tizlek belän ayğa töşkän çaqta bula häm êkipajlı wazıyfalarda yäisä qorabnıñ töşüennän soñ fänni ülçäwlärneñ yasaluı yäki testlarnıñ ütkärelüe kötelgän wazıyfalarda kiräkle bula.
Xäzergä çaqlı barı tik öç il Ayğa ğaläm qorabı belän yomşaq töşüne tormışqa aşıra aldı: Amerika Quşma Ştatları, Sovetlar Berlege häm Qıtay.
2030nçı yılğa qadär Ayğa barunı planlaştırğan illär
Küp sanda il aktiv ğaläm programmalarına iyä yäki maxsus finanslanğan ğaläm programmaların qabul itä häm şuña kürä 2030nçı yılğa qadär Ayğa keşele yäki keşesez yomşaq töşüne tämamlawları ixtimal.
Bu illärdän berse dä Törkiyä.
Törkiyä aldıbızdağı 10 yılda Ayğa qatı häm yomşaq töşüne başqaraçaq.
Raketa öç könlek säyäxäte waqıtında, mäğ’lümatnı cıyıp, dönyağa citkeräçäk. 2028nçe yılda da yomşaq töşü belän Törkiyä Ayda fänni êşçänlek alıp bara alaçaq sanawlı illär arasına keräçäk.
Çığanaq – “TRT Xäbär”
Tatarça podkastlar (тавыш язмаларыбыз)
