Söläyman balığın iñ küp Rusiya satıp aldı
Älege ilgä 6 million 859 meñ 369 dollar külämendä balıq cibärelde
Törkiyäneň söläyman balığı êksportı yıllıq bazada 59%qa arttı.
Könçığış Qara diňgez êksportçıları assośiyaśiyäseneñ idarä şurası başlıq urınbasarı Äxmät Xamdi Gürdoğan beldergänçä, ağımdağı yılnıň ğınwarında Könçığı Qara diňgez töbägennän 10 ilgä 2 meň 251 tonna söläyman balığı cibärelde häm älege êksport il iq’tisadına 11 million 240 meň 719 dollar tabış kiterde.
Bu isä uzğan yılnıñ şul uq çorı belän çağıştırğanda miq’dar yağınnan 146%qa, qıymmät yağınnan 59%qa kübräk.
Gürdoğan bilgeläp uzğança, söläyman balığın iň küp satıp aluçı il – Rusiya. Rusiyägä älege çorda 6 million 859 meñ 369 dollar külämendä balıq cibärelde.
İkençe urında 2 million 706 meñ 33 dollarlıq balıq satıp alğan V’yetnam, öçençe urında 1 million 266 meñ 514 dollarlıq balıq êksportlanğan Yaponiya tora.
