Söläyman balığı êksportı artqan

Törkiyäneñ Könçığış Qara diñgez töbäge ağımdağı yılnıñ ğıynwar-aprel’ aylarında 19 ilgä söläyman balığı sattı.

Könçığış Qara diňgez êksportçıları assośiyaśiyäseneñ idarä şurası başlığı Saffät Kalyoncu beldergänçä, älege çorda çit illärgä 8 meň 633 tonna söläyman balığı cibärelde häm älege êksport il iq’tisadına 44 million 292 meň 248 dollar tabış kiterde.

Bu isä uzğan yılnıñ şul uq çorı belän çağıştırğanda miq’dar yağınnan 111%qa, qıymmät yağınnan 56%qa kübräk.

Kalyoncu bilgeläp uzğança, söläyman balığın iň küp satıp aluçı il – Rusiya. Rusiyägä bıyılnıñ berençe 4 ayında 28 million 856 meñ 841 dollar külämendä balıq cibärelde.

İkençe urında 8 million 980 meñ 729 dollarlıq balıq satıp alğan V’yetnam, öçençe urında 3 million 123 meñ 818 dollarlıq balıq êksportlanğan Yaponiya tora.

Ağımdağı yılnıñ berençe 4 ayında uzğan yılnıñ şul çorınnan ayırmalı bularaq Misır, Ukraina, Qıtay, Filipin, Litva, Malayziya, İspaniya, Keniya, Franśiya häm Daniyägä dä êksport başqarıldı.