Märmär häm tabiğıy taş êksportı

Törkiyädän bu yılnıñ 8 ayında 3,7 milliard dollarlık märmär häm tabiğıy taş êksportı çınğa aşırıldı.

Ägäy Taw sänägäte êksportçıları assoŝiaŝiyase başlığı İbrahim Alimoğlu tübändägeçä citkerde: “Törkiyädäge märmär rezervı dön’yanıñ iñ zur rezervları arasında urın alıp tora. İldä 650 tördäge märmär bar. Alar arasında Afyon märmäre berençe urında. Assoŝiaŝiyabezdä meñnän artıq äğzabez bar. Alarnıñ 300 tiräse – Afyonlı şirkätlär. Êksportıbız dön’yanıñ här cirenä başqarıla, dön’yada iñ küp märmär - Törkiyädä.”

Alimoğlu Afyonkarahisardan häm Törkiyädän çığuçı märmärneñ här ilgä kitüen äytep bolay dide: “Afrikadan alıp Yaqın Könçığışqa, Qıtayğa, Hindıstanğa, Amerikağa qadär kitä. Qıtay bazarı açıldı, Hindıstan bazarı barlıqqa kilde, blok cibärdek.”