İñ yuğarı sentyabr’ êksportı tormışqa aştı

Törkiyä säwdä ministrı Ömär Bolat Uludağ êksportçılar assośiaśiyäsendä uzğan cıyılışta çığış yasap sentyabr’ ayına qağılışlı tışqı säwdä kürsätkeçlärenä tuqtaldı.

Ul sentyabr’dä êksportnıñ yıllıq 0,3%qa artıp 22 milliard 670 million dollarğa citüen äytte.

”Cömhüriyät tarixında iñ yuğarı sentyabr’ êksportına ireştek. İyül’ ayındağı êksport (20,3 milliard dollar) kürsätkeçe dä Cömhüriyät tarixındağı iñ yuğarı êksport buldı. Avgust ayında (21,6 milliard dollar) da Cömhüriyät tarixındağı iñ yuğarı kürsätkeçkä ireştek”,- dide ministr.

Ömär Bolat êksportnıñ 3 ay däwamında daimi arta baruın häm monıñ möhim uñış buluın assızıqladı.

”Bez dön’ya kon’yukturasına häm Törkiyädäge qayber tabiğat’ äfätläreneñ tiskäre yoğıntısına qaramastan monıñ belän bik qanäğat’”,- dide Törkiyä säwdä ministrı.