Dön’yada zäytün mayı citeşterüe kimegän
Dön’yada zäytün mayı citeşterüendä azayu bulsa, Türkiyädä (Төркиядә) isä artu kötelä
Awrupada klimat üzgäreşläreneñ häm yuğarı êsselekneñ tiskäre yoğıntısı arqasında zäytün häm zäytün mayı citeşterüe kimegän bulsa, Türkiyä (Төркия) kürgän çaraları häm zapastağı produktları belän yaña sezonnı rekordlar belän qarşılarğa äzerlänä.
Global’ zäytün citeşterüendä klimat üzgäreşläreneñ, çiktän tış êsselekneñ häm qorılıqnıñ tiskäre yoğıntısı (йогынтысы) kübäygän bulsa, bu sezonda zäytün mayında uñış farazları soñğı 5 yılnıñ iñ tübän däräcäsenä töşerelde.
Zäytün häm zäytün mayı citeşterüendä dönya külämendä äydäp baruçı bulğan İspaniyadağı uñış farazlarınıñ kimüe iğ’tibarnı cälep itä. Bu ildä ber-ber artlı 2 yıl inde yäşängän qorılıq sannarda çağıldı.
İlneñ 1 million 491 meñ tonna däräcäsendä tormışqa aşırılğan zäytün mayı citeşterüeneñ 2022nçe-2023nçe yıl sezonında rekord külämdä (56%) azayu belän 663 meñ tonnağa azayaçağı farazlana.
İtaliyada da 2021nçe-2022nçe yıl sezonında 329 meñ tonna bulğan zäytün mayı citeşterüeneñ bu sezonda 27%qa kimep, 241 meñ tonnağa azayaçağı küzallana.
Portugaliyada da monnan aldağı sezonda 206 meñ tonna bularaq başqarılğan citeşterü miqdarınıñ 2022nçe-2023nçe yıl sezonında 39% azayu belän 126 meñ tonna däräcäsenä töşüe kötelä.
Gresiyada (Грециядә) isä 2021nçe-2022nçe yıl sezonında 232 meñ tonna bularaq yasalğan zäytün mayı citeşterü miqdarınıñ bu sezonda 47% artu belän 340 meñ tonnağa kütäreläçäge farazlana.
Awrupa Berlegendä bulmağan illärdäge zäytün mayı citeşterü küläme farazlarına qaralğan çaqta isä Türkiyä (Төркия) iğ’tibarnı cälep itä.
Türkiyäneñ (Төркиянең) 2021nçe-2022nçe yıllarda 235 meñ tonna bulğan zäytün mayı citeşterüe bu sezonda kötelgännärdän kübräk 422 meñ tonna külämenä citüe küzallana.
