Türkiyäneñ ciñel maşina êksportı

Türkiyädän yılnıñ berençe çiregendä 86 ilgä, üzidaräle häm irekle töbäkkä 2 milliard 625 million 510 meñ dollar külämendä ciñel avtomobil’ satuı başqarıldı.

Uludağ avtomobil’ industriyası êksportçılar berlege mäğ’lümatlärenä kürä, avtomobil’ industriyasınıñ bıyıl berençe çirektäge 8 milliard 618 million 998 meñ dollarlıq tışqı satunıñ 30,5%ın ciñel maşina täşkil itte.

2022nçe yılnıñ ğıynwar-mart aylarında 2 milliard 149 million 246 meñ dollar bulğan ciñel maşina êksportı, bıyıl şuşı uq çorda 22,16%qa artıp, 2 milliard 625 million 510 meñ dollarğa kütärelde.

Türkiyädän yılnıñ berençe çiregendä 86 ilgä, üzidaräle häm irekle töbäkkä ciñel avtomobil’ cibärelde.

Tarmaq ğıynwar-mart çorında iñ küp ciñel maşina êksportın Franśiyağa başqardı.

Bu ilgä tışqı satu 124,49% artu belän 207 million 56 meñ dollardan 464 million 815 meñ dollarğa citte.

Franśiyadan soñ uzğan yılnıñ şuşı uq çorına qarağanda 35,4% artış belän 299 million 459 meñ dollar külämendä çit ilgä ciñel avtomobil’ satıluı başqarılğan Böyıkbritan kilä.

Yılnıñ berençe çiregendäge ciñel maşina êksportında İspaniya 29,44% artu häm 290 million 53 meñ dollar belän öçençe, İtaliya 24,48% kütäreleş häm 225 million 304 meñ dollar belän dürtençe, Germaniya 12,15% artış häm 217 million 76 meñ dollar belän bişençe urında.

Ciñel maşina êksportında Pol’şa 174 million 253 meñ dollar belän altınçı, Sloveniya 145 million 100 meñ dollar belän cidençe, Bel’giya 96 million 187 meñ dollar belän sigezençe, İzrail 73 million 170 meñ dollar belän tuğızınçı, Şveśiya isä 61 million 364 meñ dollar belän unınçı urında tora.