Mart ayında xäzergä çaqlı iñ yuğarı aylıq êksport tormışqa aşırıldı
Ul martta 4,4%qa artıp 23,6 milliard dollar täşkil itte
Türkiyädä ağımdağı yılnıñ mart ayında xäzergä çaqlı iñ yuğarı aylıq êksport tormışqa aşırıldı.
Türkiyä säwdä ministrı Mäxmät Muş ministrlıqta uzğan matbuğat oçraşuında mart ayına qağılışlı tışqı säwdä kürsätkeçlären açıqladı.
Ministr Muş äytüençä, 6 nçı fevral’dä Kahramanmaraşta bulğan cirteträwneñ citeşterü häm täêmin itügä tiskäre yoğıntısına qaramastan mart ayında êksport 4,4%qa artıp 23,6 milliard dollarğa citte.
”Bu - xäzergä çaqlı iñ yuğarı aylıq êksport kürsätkeçe. Şuña basım yasıysım kilä: yevro-dollar paritetı bezneñ êksportnı 340 million dollarğa kimetügä qaramastan bez bu uñışqa ireştek”,- dide Türkiyä säwdä ministrı Mäxmät Muş.
Ministr bilgeläp uzğança, 2023 nçe yılnıñ berençe kvartalında êksport 2,5%qa artıp 61,6 milliard dollarğa citte.
