Türkiyäneñ zäytün mayı êksportında artış

Türkiyäneñ 2021-2022 sezonında zäytün mayı êksportı aldağı çorğa kürä 50%lık artış belän 201 million 687 meñ dollarğa kütärelde.

Ägäy êksportçılar assoŝiaŝiyase mäğlümatlarına kürä Türkiyä 31 oktäbr’ könne azağına yaqınlaşqan 2021-2022 zäytün mayı êksportı sezonında 120dän artıq il belän säwdäne däwam iterde.

Zäytün mayı êksportı uzğan sezon belän çağıştırğanda miqdar yağınnan 32%lık artış belän 44 meñ tonnadan 58 meñ tonnağa, kerem yağınnan isä 50%lık artış belän 134 million 877 meñ dollardan 201 million 687 meñ dollarğa çıqtı.

İñ küp zäytün mayı êksportı başqarılğan il isä 75 million dollar belän Amerika Quşma Ştatları buldı.

AQŞtan soñ 24 million dollar belän İspaniya, 17 million dollar belän Yaponiya, 10 million dollar belän Soğud Ğaräbstanı häm 5 million dollar belän Berläşkän Ğaräp Ämirlekläre kilä.