Kipterelgän ciläk - cimeş êksportı ni xäldä?

Törkiyä bıyılnıñ berençe 6 ayında 755 million 880 meñ dollar külämendä kipterelgän ciläk-cimeş êksportladı.

Bu isä uzğan yılnıñ şul uq çorı belän çağıştırğanda 10,6%qa kübräk.

Kön’yaq-könçığış Anadolu êksportçılar assośiyaśiyäse mäğ’lümatlarına qarağanda, ağımdağı yılnıñ ğıynwar-iyün’ aylarında 149 ilgä häm irekle töbäkkä Anadolunıñ uñdırışlı cirlärendä üsterelgän cimeşlärdän äzerlängän produktlar satıldı.

Tarmaqnıñ iñ küp êksportlanğan produktı – töşsez yözem.

Örek,pestä çikläwege häm kipkän incir dä bik küp satılğan cimeşlär arasında.

Bu çorda iñ küp êksport Awrupa Berlege illärenä başqarıldı.

Älege illärgä 301 million 28 meñ dollar külämendä kipterelgän ciläk-cimeş cibärelde.

Awrupa Berlege  illäre arasında berençe urında Germaniya tora.

Angliya belän Amerika Quşma Ştatları da Törkiyädän küpläp kipterelgän ciläk-cimeş satıp aluçı illär buldı.