Törkiyäneñ Qara diñgezdäge tabiğıy gaz êşçänlege däwam itä
Qara diñgezdä urnaşqan “Türkali-2” qoyısınıñ “Rezervuar-1” testı ber könlek 650 meñ kub metrğa citkän ağımı belän däwam itä
Törkiyä ênergetika häm tabiğıy çığanaqlar ministrı Fatih Dönmäz “Twitter” akkauntınnan yasağan belderüendä 28nçe iyül’dä “Türkali-2” qoyısınıñ “Rezervuar-2” häm “Rezervuar-3” testlarınıñ uñışlı räweştä tämamlanuın citkerde.
Qara diñgezdäge tabiğıy gaz êşçänlegenä bağışlanğan videoyazma belän urtaqlaşqan Dönmäz: "28nçe iyül’ 2021 “Türkali-2” skvajinasınıñ “Rezervuar-2” häm “Rezervuar-3” testı uñışlı tögällände. 20nçe noyabr’ 2021 “Türkali-2” skvajinasınıñ “Rezervuar-1” testı ber köndä 650 meñ kub metrğa citkän ağımı belän däwam itä. Qara diñgez gazında 2023 maqsatıbız açıq häm anıq. Adım adım alğa taba barabız”, - dip äytte.
Ministr Dönmäz Antaliyada oyıştırılğan 11nçe Törkiyä ênergetika sammitınıñ açılışında yasağan çığışında da, Sakar’ya gaz mäydanı belän bäyle böten injenerlıq êşçänlegeneñ tämamlanuın belderep: "Yuğarı sıyfatlı torbalarğa zakaz birdek. 2022nçe yıl yazında su astına torbalarnı salıp berençe çığanaqnı yasıybız”, - dip äytte.
Dürtençe borawlaw köymäseneñ dä 2022nçe yılnıñ yaz aylarında Törkiyägä kilep citäçägen iskärtep uzuçı Dönmäz: "4nçe köymäbez ikelätä manara konstrukśiyasına iyä, qatı diñgez şartlarında êşlärgä sälätle. Yuğarı basımlı rezervuarlarda da xätta tağın da qurqınıçsızraq êşli”, - dip äytte.