Öç aylıq çäy êksportı 8 million dollardan arttı
Törek çäyen iñ küp satıp aluçı il - Bel'giya
Törkiyäneñ ağımdağı yılnıñ ğıynwar - mart aylarındağı çäy êksportı uzğan yılnıñ şul uq çorı belän çağıştırğanda 20%qa arttı.
Bu xaqta Könçığış Qara diñgez êksportçılar assośiaśiyäse xäbär itä.
Oyışma mäğ’lümatlarına qarağanda, bıyılnıñ 3 ayında 96 il, üzidaräle häm irekle töbäkkä 1 meñ 828 tonna çäy cibärelde, älege êksporttan 8 million 555 meñ 356 dollar tabış alındı.
Bu isä 2023 nçe yılnıñ şul uq däwere belän çağıştırğanda 20%qa kübräk.
İñ küp çäy satılğan illär - Belgiya, Böyekbritaniya, Amerika Quşma Ştatları.
Älege çorda uzğan yılnıñ şul uq däwerennän ayırmalı bularaq Mavritaniya, Liberiya, Xorvatiya, Kamerun, Gabon, Pol’şa, Tunis, Misır, Kön’yaq Sudan, Dubay, Burundi, Braziliya, Üzäk Afrika Cömhüriyäte, Venesuêla, Êkvatorial’ Gvineya, Kuba, Djibuti, Angola häm Kambodjağa da çӓy cibӓrelde.
