İran 12 Awrupa däwläte qadär gaz yağa

İran neft’ ministrı urınbasarı Mäcit Çägini ilendä qullanılğan tabiğıy gaz külämeneñ 12 Awrupa däwläteneke qadär buluın belderde. Ul bu xaqta ber telekanalda söyläde. Çägini äytüençä, tabiğıy gaz belän täêmin itüdä 3nçe urında toruçı İran, AQŞ, Rusiyä häm Qıtaydan soñ, bu ênergiyäne iñ küp qullanuçı il.

“Bezdä yağılğan gaz küläme Awrupanıñ bay 12 däwläteneke qadär. Bu kürsätkeç ênergiyä häm, bigräk tä, tabiğıy gaz qullanu belän bäyle borçularıbıznıñ säbäben açıqlıy,”-di ministr urınbasarı.

Çägini İranda tulayım 25 million abunäçe buluın häm köndälek qullanılğan tabiğıy gaz külämeneñ, uzğan yılğığa qarağanda, 90 million kubometrğa artıp 480 millionğa citüenä iğ’tibarnı cälep itte. Şul säbäple ul stanśiyälärdä çikläwlär kertülären häm importlanğan zäñgär yağulıq külämen kimetäçäklären äytte.