Maduro Putinnı qotladı

Venesuêla däwlät başlığı Nikolas Maduro Rusiya Federaśiyäse däwlät başlığı Vladimir Putinnı räsmi räweştä wazıyfasına kereşüe belän qotladı.

”Min Venesuêla xalqı isemennän 5 nçe tapqır Rusiya ilbaşı bulıp saylanğan Putinnı täbrik itäm. Berdämlek häm tınıçlıq yulında qatğıy räweştä alğa barğan Rusiya xalqına xörmätläremne citkeräm”,- dip yazdı Maduro üzeneñ sośial’ media akkauntındağı yullamasında.

Nikolas Maduro matbuğat äğ’zalarına belderüendä Putnnnı maqtaw süzläre belän telgä aldı.

”Ul - dön’yanıñ iñ zur liderlarınıñ  berse. Putin Rusiya Federaśiyäsen dön’yanıñ iñ alğa kitkän illäreneñ berse itte. Min aña möräcäğat’ itep şunı äytäm: Vensuêla xalqı sine yarata, sine yaqlıy häm xörmät itä. Bez küp qotıplı dön’ya tözü öçen bergä êşläwne däwam itäçäkbez” ,-dide Venesuêla ilbaşı.

Vladimir Putin kiçä Kreml’dä uzğan tantanada ant itep bişençe tapqır räsmi räweştä ilbaşı wazıyfasına kereşte.