Fiśonıñ tormışına qurqınıç yanamıy

Slovakiyada 15nçe mayda qorallı höcümgä duçar bulğan häm awır yaralanğan xökümät räise Robert Fiśonıñ tormışına qurqınıç yanamıy. Anıñ urınbasarı häm saqlanu ministrı Robert Kalinak Banska-Bistriśadagı Ruzvel’t xastaxanäsendä belderülär yasadı. “İrtän tabib qarağannan soñ awırunıñ tormışına yanağan qurqınıçnıñ xäzer betüen äytä alabız. Şulay da xäle äle haman bik awır häm sixätlänüe öçen waqıtqa häm yalğa ixtiyäcı bar. Barısınıñ da äybät bulacağına ışanabız”,-dide Robert Kalinak. Ul Fiśonı äle tiz genä başqa xastaxanägä küçerü planlaştırılmawın, anıñ xäzerge waqıtta mömkin bulmawın belderde.

İsegezgä töşeräbez, Slovakiyä xökümäte räise Robert Fiśo başqala Bratislavağa yaqınça 200 çaqrım yıraqlıqtağı Xandlova şähärendä ütkärelgän ministrlar kabinetı cıyılışınnan soñ bina yanına cıyıluçuılarnı sälamlägän waqıtta qorallı höcümgä duçar buldı.

İl matbuğatında höcümne 71 yäş’lek sul qaraşlı Slovakiya watandaşınıñ xökümät säyäsäten oşatmawı öçen yasawı belderelde.

Fiśonıñ gäwdäsenä berniçä yädrä êlägä. Anı xastaxanägä aşığıç yärdäm boralağı belän alıp kitälär.