Ukraina Qırım küperen cimerergä planlaştıra
Kiyev şulay itep könbatışqa nişannarnı bärü häm höcüm operaśiyäläre alıp baru mäs’äläsendäge mömkinleklären kürsätergä teli
Ukrainanıñ iyül’ ayında Qırım küperen bombağa totıp cimerergä uylawı belderelde.
Angliyäneñ “The Sun” gazetı xäbärenä qarağanda, Ukraina qorallı köçläre annekśiyälängän Qırım belän Rusiyä arasında berdänber bäyläneş bulğan küperne raketalar, keşesez diñgez apparatları häm F-16 oçqıçları belän cimerergä planlaştıra. Yazmada belderelgänçä, Kiyev könbatışqa nişannarnı bärü häm höcüm operaśiyäläre alıp baru mäs’äläsendäge mömkinleklären kürsätergä teli. Şuña kürä, küperne 100 köndä cimerergä tırışaçaq. Xäbärdä monıñ ilneñ qorallı köçläreneñ 1nçe urındağı maqsatı buluı äytelä.
Ukraina däwlät başlığı Volodimir Zelenskiy iyül’ ayında küperne qullanılıştan çığaru öçen tırışaçaqların, çönki anıñ Rusiyä qoralların Qırımğa kertü öçen töp yul buluın beldergän ide. Ul Kiyevnıñ älege küperne cimerü öçen qanunlı häm äxlaqıy xoquqqa iyä buluın citkerä.
Bäyläneşle xäbärlär
Maduro Putinnı qotladı
Venesuêla däwlät başlığı:"Putin Rusiya Federaśiyäsen dön’yanıñ iñ alğa kitkän illäreneñ berse itte"