Niagara şarlawığında "ğadättän tış xäl"

Kanadanıñ Ontario töbägendäge Niagara tiräsendä Aynıñ Cir belän Qoyaş arasınnan uzuı näticäsendä barlıqqa kilüçe totılunı küzätergä kiläçäk yaqınça 1 million keşe arqasında “ğadättän tış xäl” iğ’lan itelde. Çönki Niagara şarlawığı 8nçe aprel’dä bulaçaq Qoyaş totıluın iñ yaxşı kürep bula torğan urınnar arasına kergän. Monı işetügä töbäk wäqalätleläre astronomik küreneşne küzätergä kilüçelärne qarşılarğa äzerlänä başlıy. Maşinalar küplegennän yullarda bökelär barlıqqa kilü, berençe yärdäm xezmätlärenä ixtiyacnıñ artuı häm kesä telefonı çeltärlärenä çiktän tış yök - bolar kilep tuaçaq problemalarnıñ qayberläre.

Mêr Djim Diodati şähärgä 1 köndä kilüçelärneñ sanınıñ rekord däräcägä citäçägen farazladı.

8nçe aprel’dä Qoyaşnıñ tulısınça totıluın Meksika, AQŞnıñ könçığış töbäkläre häm Kanadanıñ kön’yaq-könçığışınnan kürep bulaçaq.     

Niagarada Qoyaş totıluın axırğı tapqır 1979nçı yılda küzätkännär ide.