İzrail köçläre Şifa xastaxanäsen cimergän

İzrail köçläre Ğazzä sızığınıñ iñ zur sälamätlek saqlaw kompleksı bulğan Şifa xastaxanäsennän anı bötenläy cimerep, çigelgän.

Xastaxanäne 14 kön buyı yaw astında totqan İzrail armiyase anda distälärçä keşene üterde.

Şahitlar İzrail armiyasenä bäyle köçlärneñ Şifa xastaxanäse häm tiräsendäge toraq punktlarınnan bötenläy çigenep, Ğazzä şähäreneñ kön’yaq-könbatışındağı Täl äl-Häva mäxälläseneñ kön’yağına küçüen belderde.

İzrail köçläre xastaxanäneñ barlıq binaların cimergän, mediŝina materialların yuqqa çığarğan, xastaxanä häm yanındağı uramnarda distälärçä mäyet qaldırğan.

Şahitlar äytüençä armiya fälästinlelär Şifa xastaxanäsendä qorğan waqıtlıça ziratnı cimergän, mäyetlärne çığarıp, xastaxanäneñ törle urınnarına ırğıtqan.

Fälästinle sälamätlek saqlaw räsmi zatları da xastaxanäneñ xezmät kürsätä almawın, armiyaneñ operaŝiya bülmäläre belän reanimaŝiya büleklären dä yuq itüen citkerde.