"AQŞ iğ’tibarnı çitkä yünältergä tırışa"

 Rusiya däwlät başlığınıñ matbuğat särqatibe Dmitriy Peskov AQŞnıñ “Krokus Siti Xoll” da bulğan terror höcüme öçen “DEAŞ” ğayeple bulu mömkinlegenä basım yasap iğ’tibarnı çitkä yünältergä tırışuın äytte.

Peskov “İzvestiya” gazetına birgän interv’yusında “Tikşerü däwam itkän öçen bez ber mömkinlek östendä tora almağanda, amerikalılarnıñ ber mömkinlekne kön tartibendä saqlap qalu qıyulığı ğacäp xäl. Bu älbättä başqa mömkinlekne iğ’tibarsız qaldırırğa telilär digän süz”,-dip belderde.

Dmitriy Peskov AQŞ, Ukraina häm başqa illärneñ belderüläre belän nindi maqsatları buluın añlaw öçen sabır bulırğa, Rusiya küzläw häm tikşerü organnarınıñ êşlären tämamlawların kötärgä kiräklegen äytte.

Rusiya Federal’ qurqınıçsızlıq xezmäte başlığı Aleksandr Bortnikov konśert zalındağı höcüm artında AQŞ, Angliya häm Ukraina buluın beldergän ide.