Äfğanstandağı terraktnıñ qorbannarı arttı

Äfğanstannıñ kön’yağındağı Kandaxar töbägendä kiçä irtän bulğan terrorçı höcümendä ğomere özelüçelärneñ sanı 26ğa citte. Yaralılar isä 38 buldı. Bu xaqta BBC töbäktäge iñ zur xastaxanä Mirväystä êşläwçe tabibnıñ süzlärenä nigezlänep xäbär itä.

Waqıyğa Qabul bankınıñ Kandaxar filialında bula. Anda gäwdäsenä bomba berketkän beräw üz-üzen şartlata. Höcüm öçen cawaplılıqnı üz östenä aluçı bulmadı.  

Äfğanstan matbuğatında yazılğança, intixar höcüme byudjet xezmätkärläre aylıq aqçaların alu öçen çiratqa basqan waqıtta yasala.