Blinken Soğud Ğaräbstanında

Soğud Ğaräbstanı täxet warisı, prinś Möxämmäd bin Sälman AQŞ däwlät särqätibe Êntoni Blinken belän Ğazzä sızığındağı täraqqıyät’lärne söyläşte.

Soğud Ğaräbstanınıñ räsmi agentlığı SPA beldergänçä bin Sälman ilenä kilgän Blinken belän Ciddä şähärendä küreşte.

Söyläşüdä ike il arasındağı ike yaqlı mömäsäbätlär häm urtaq xezmättäşlek ölkäläre küzdän kiçerelde. Şulay uq Ğazzä sızığındağı wazğıyät’, xärbi höcümnärneñ tuqtatıluı quzğatıldı.

Soğud Ğaräbstanı tışqı êşlär ministrlığınnan yasalğan belderügä kürä tışqı êşlär ministrı Faysal bin Färhan da Êntoni Blinken belän Ciddä şähärendä söyläşü ütkärde.

Söyläşüdä ike yaqlı mönäsäbätlär häm törle ölkälärdä urtaq xezmättäşlekne nığıtu yulları, şulay uq Ğazzägä aşığıç räweştä gumanitar yärdäm kertü tırışlıqları quzğatıldı.

İzrail prem’yer-ministrı Bin’yamin Netan’yaxu Ğazzäneñ kön’yağındağı Räfax şähärenä cir östennän höcüm planın raslawın häm tınıç xalıqnıñ töbäktän çığarıluına qarağan plannı da ozaqlamıy raslayaçaqların beldergän ide.

İzrail 7 oktäbr’dän birle oyıştırğan höcümnärdä kim digändä 14 meñe balalar, 9220se xatın-qız bulğan barlığı 31 923 fälästinle üterelde, 74 096 keşe yaralandı.

Xäräbälär astında xäzerge waqıtta meñnärçä ülgän keşeneñ buluı äytelä.