Fälästinneñ BMOğa äğ'zalığı qabat kön tärtibendä

Berläşkän Millätlär Oyışmasınıñ ğomum şurasında kiçä bulğan tawış birüdä Fälästinneñ BMOğa äğ’zalığın qabat qaraw häm küzätüçe statusındağı ilgä qayber östämä xaqlar birüne sorawçı qanun ölgese qabul itelde. Anı Törkiyä belän bergä 80gä yaqın däwlät urtaq räweştä täq’dim itte. Dokument 193 äğ’zalı BMO Ğomum şurasında 143 uñay tawış aldı. 25 däwlät tarafsız qaldı, 9ı qarşı kilde.

Qararda Fälästinneñ BMO şartınıñ 4nçe maddäsendäge kriteriylarnı cirenä citkerüe häm şul säbäple tulı äğ’za bularaq qabul itelüe kiräklegenä basım yasala.

Fälästin 2011nçe yılda BMOda äğ’za bulu öçen möräcäğat’ itte, tik kiräkle tawışqa ireşä almadı. 2012nçe yılda ul “daimi küzätüçe statusı”na iyä buldı.