Awrupa Parlamentı utnı tuqtatırğa çaqırdı

Awrupa Parlamentı berençe tapqır İzrail höcümnäre däwam itkän Ğazzädä aşığıç häm daimi utnı tuqtatu çaqıruın yasadı.

Awrupa Parlamentı ğomum şurasında “Dön’yada keşe xoquqları häm demokratiyaneñ wazğıyäte belän Awrupa Berlegeneñ moña qarağan säyäsäte” mäs’äläsendä äzerlängän 2023 yıl belän bäyle xisabı 265 uñay, 253 tiskäre häm 10 bitaraf tawış belän qabul itelde.

Awrupa Parlamentındağı Sul qaraşlı törkem äğzaläre üzgärtergä taläp itkän xisapnıñ 62nçe maddäsenä “Ğazzädä aşığıç häm daimi utnı tuqtatu çaqıruı” östälde.

Yañadan qarap çıqqannan soñ raslanğan yaña xisapta tübändäge yullar urın aldı: “Awrupa Berlegenä, äğza illärgä häm xalıqara cämäğat’çelekkä Ğazzä sızığında härkemneñ azıq-tölek häm suğa özleksez ireşüen täêmin itü maqsatı belän aşığıç häm daimi utnı tuqtatırğa çaqıru yasala.”