İzrailneñ yaña urnaşu planı xätär
Yordannıñ basıp alınğan Könbatış üzänlegendä 3 meñ 300dän artıq qanunsız toraq tözü planı säyäsätçelärne borçuğa saldı
Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell İzrailneñ 2 atna êçendä Yordannıñ basıp alınğan Könbatış üzänlegendä 3 meñ 300dän artıq qanunsız toraq tözü planınıñ “provokaśion häm xätär” buluın äytte. Ul “X” platformasındağı akkauntı aşa yasağan belderüendä älege kilep urnaşularnıñ töbäktä kiyerenkelekne arttıruın citkerde. “Tınıçlıq urnaştıru tırışlıqlarına ayaq çala häm xalıqara xoquqnı citdi bozuğa yul quya,”-dide wäkil.
İzrail xökümäteneñ Yordannıñ basıp alınğan Könbatış yarında Bäyt Lähim şähäre yänäşäsendäge Maalä Adumin yähüd urnaşuçılar punktına - 2 meñ 350, Kedara - 300, Äfrat qanunsız yähüd urnaşu punktına isä 700 toraq tözüne raslarğa cıyınuı açıqlandı.
AQŞ däwlät särqatibe Êntoni Blinken da älege xäbärneñ anı borçuğa saluın beldergän ide.
