Ğazzädä xalıq açlı-tuqlı yäşi

Bötendön’ya sälamätlek saqlaw oyışması xäbär itkänçä, Ğazzädäge kisken azıq-tölek citmäwçänlege yaqın çordağı tarixta kürelmägän däräcädä.

Oyışmanıň Fälästin wäkile Rik Peperkorn Ğazzädäge 36 xastaxanädän 13eneň öleşçä xezmät kürsätüen belderä.

“Ğazzädä 8 meň keşegä mediŝina êvakuaŝiyäse kiräk, şularnıň 6 meňe suğışta cäräxätlängän, 2 meňe başqa çirlärdän integä”,- di ul.

Peperkorn Ğazzädäge azıq-tölek krizisına basım yasap bolay di: “Ğazzädäge açlı-tuqlı yäşaw bezne bik borçıy. Andağı kisken azıq-tölek citmäwçänlege soňğı çordağı tarixta kürelmägän däräcädä. Ğazzädäge açlıq arqasında härkemgä qurqınıç yanıy. Biredä yartı millionnan artıq keşe “hälakät däräcäsendäge” açlıq şartlarında yäşi”.

Bötendön’ya sälamätlek saqlaw oyışmasınıň Fälästin wakile Rik Peperkorn Ğazzädä açlıq belän berrättan awıru qurqınıçınıň da artuın assızıqlıy.