İranda hawa pıçranu ülemnärgä kiterä
Bu säbäptän ber yılda 27 meñnän artıq keşe ğomeren yuğaltqan
İranda hawanıñ pıçranuı arqasında ber yılda 27 meñnän artıq keşeneñ ğomere özelgän.
Tähran äylänä - tirä moxit häm şähär tözeleşe xezmätläre komissiyäse räise Mäxdi Pirxadi:” Hawanıñ pıçraqlığ ber yıl êçendä ildä 27 meñnän artıq keşeneñ, Tähranda isä 6 meñ 398 keşeneñ ülemenä säbäpçe buldı. Ägär bu artu däwam itsä, yuğaltular 8 yıl barğan İran - Ğıyraq suğışınnan kübräk bulaçaq”,- dip beldergän.
İran sälamätlek saqlaw ministrlığınıñ hawa çistalığı häm klimat üzgärü idaräse räise Abbas Şaxsuni 8 nçe noyabr’dä yasağan belderüendä hawanıñ pıçranuına bäyle ber yılda il külämendä 20 meñ 800 keşeneñ ğomere özelüen citkergän ide. Bu kürsätkeç başqala Tähranda 6 meñ 400.
Tähranda hawa pıçranu şähärdä hawa śirkulyaśiyäse bulmawğa, keşe küplegenä, êlekkege model’ texnika belän kiñ qullanılıştağı motośikllardan çıqqan gazğa bäyle.