Zambiyädä xolera oçraqları arta
İldä saqlıq çaraları köçäytelgän
2082164
Zambiyädä xolera oçraqları häm anıň arqasında ülüçelär artqannan soň saqlıq çaraları köçäytelgän.
Sälamätlek saqlaw ministrı Sil’viya Masebo beldergänçä, soňğı täwlektä 111 yaňa oçraq terkälgän häm 5 keşe xoleradan ğomeren yuğaltqan.
Êpidemiyädä 93 keşeneň ğomere özelgän, ildä citdi sälamätlek probleması küzätelä.
Masebo äytüençä, pıçraq azıq-tölek häm su aşa taralğan awırunı buldırmas öçen êpidemiya bulğan töbäklärdä saqlıq çaraları köçäytelgän, alarğa kübräk xlor cibärgännär.
Zambiyäneň kürşese Zimbabveda da xolera belän çirläwçelär sanı 13 meňnän artqan, ildä ğadättän tış xäl iğ’lan itelgän. Zimbabveda annan 221 keşe ğomeren yuğaltqan.
