Äfğanstanda açlıq

Bötendön’ya sälamätlek saqlaw oyışması ğomum mödire Tedros Adxanom Gebreyesus Äfğanstanda 13 million keşegä kisken räweştä azıq-tölek citmäwen belderde. X sośial’ media platformasında ul monıñ il xalqınıñ 30%ı buluın yaza. Äfğanstanda 1 millionğa yaqın bala açlıqta yäşi, 2 million 300 meñe isä citärsez tuqlana.

Gebreyesus Äfğanstanda yäşäwçelärneñ immunitetları köçsezlänüe häm awır qış şartları arqasında yoğışlı awırulardan ülü qurqınıçınıñ yuğarı buluın belderde. “Gumanitar yärdäm belän täêmin itü çikle buluı säbäple bu sannar kiläse atnalar häm aylarda tağın da artırğa mömkin,”-dide ul.

Gebreyesus citärlek tuqlanmaw arqasında ülemnär häm azıq-tölek qurqınıçsızlığı täêmin itelmäwneñ näticälären çikläw öçen xastaxanälärgä teräk bulu nisbätennän Bötendön’ya sälamätlek saqlaw oyışmasına 185 million dollar kiräklegen citkerde.