Qıtaydağı cir teträw

Qıtayda 6,2 magnitudalı cir teträw buldı. Berençel mäğ’lümatlarğa qarağanda, anda 127 keşeneñ ğomere özelde, 155 meñnän artıq öy zarar kürde.  

Zilziläneñ märkäze Lin’sya şähärenä turı kilä. Ul Gan’su häm Śinxay provinśiyälärenä dä yoğıntı yasıy.

Teträwne cir öslegenä 10 çaqrım tiränlektä terkilär. Afterşoklarnıñ äle haman däwam itüe belderelä. Cirlekkä östämä êzläw-qotqaru törkemnäre kitkän. Alarnıñ êşenä temperaturanıñ -14 gradus suıq buluı ayaq çala.

Cir teträw waqıtında barlıqqa kilgän ubıluda Śinxay provinśiyäsendä ber awılnıñ zur öleşe tufraq astında qala.