Finlyandiyä Rusiyä çigendäge 2 kontrol' noqtasın aça
Finlayndiyä 28nçe noyabr’dä Rusiyä belän barlıq çiklären waqıtlıça yabuın xäbär itte
Finlyandiyä xökümäte räise Petteri Orpo ileneñ Rusiyä belän könçığış çigendäge ike kontrol’ noqtasın 14nçe dekabr’dä qabat açacağın belderde. Ul matbuğat cıyılışında älege noqtalarnıñ Vaalimaa häm Niiralada urın aluın äytte.
Finlyandiyäneñ Rusiyä belän könçığış çigendä 9 kiçü noqtası bar. Alarnıñ berse barı poyızdlar öçen açıq.
14nçe dekabr’dä açılaçaq 2 kontrol’ noqtası tışında başqaları yabıq qalaçaq. Finlyandiyä êçke êşlär ministrı Mari Rantanen bu qararnıñ 14nçe ğıynvarğa qadär ğamäldä bulaçağın belderde. Ul Rusiyäneñ Finlyandiyä dairälärena basım yasaw öçen migraśiyä xäräkätlären qullanuı şöbhäse qabat barlıqqa kilgän oçraqta xökümätneñ tiz arada adım yasayaçağın äytte.
Finlyandiyä çik sağı beldergänçä, çik buyı ike atna buyı tınıç häm ber sıyınuçı da Finlyandiyä kiçü noqtalarına yaqınlaşmağan.
Mäskäwneñ “gibrid operaśiyäse” dip ataluçı sıyınuçılar mäs’äläse arqasında ike il arasında kiyerenkelek barlıqqa kilde. Şunnan soñ Finlayndiyä 28nçe noyabr’dä Rusiyä belän barlıq çiklären waqıtlıça yabuın xäbär itte.
