Ğazzä sızığında yuğaltular arta
İzrail höcümnärendä ülüçelär sanı kön sayın zur tizlek belän kübäyä
2072020
Ğazzä sızığında İzrail höcümnärendä ülgän fälästinlelärneñ sanı 361gä artıp 15 meñ 523kä citte.
İzrail köçläre Yordannıñ könbatış üzänlegendä dä tağın 2 fälästinlene atıp üterde häm mäyetlären alıp kitte. Bu xaqta Fälästin sälamätlek saqlaw ministrlığı xäbär itä. Yordannıñ könbatış üzänlegendä, şulay itep, 7nçe oktyabr’dän birle üterelgän fälästinlelärneñ sanı 256 buldı.
“Xamas”nıñ xärbi bülege “Qassam batal’yonnarı” 7nçe oktyabr’dä İzrailgä qarşı “Aqsa tufanı” dip ataluçı külämle höcüm başlawın iğ’lan itte. İzrail armiyäse isä moña cawap itep xärbi oçqıçlar belän Ğazzä sızığında “Timer qılıçlar” xäräkäte başlawın belderde.
