Su basudan ülüçelär sanı arta
Alarnıñ sanı 70 kä citkän
2068800
Keniyädä noyabr’ urtasınnan birle däwam itkän köçle yañğırlar kiterep çığarğan su basudan ğomerlären yuğaltuçılar sanı 70 kä citkän.
Bu xaqta Keniya däwlät başlığı Uil’yam Ruto belderä.
Ruto bilgeläp uzğança, afät arqasında ğadättän tış xäl iğ’lan itelgän, distälägän meñ keşe öylären taşlap kitkän, küp töbäklärdä, ayıruça tön’yaqta yullar zıyan kürgän.
Keniya däwlät başlığı äytüençä, afättän zıyan kürgännär öçen barlıq bülekçälär belän êşçänleklär däwam itä häm monıñ öçen 15 million dollar byudjet bülep birelgän.
Kürşe il Somalida da 96 keşeneñ ğomeren özgän su basudan soñ qayber töbäklärdä ğadättän tış xäl iğ’lan itelgän.
